ສື່ມວນຊົນ

ພົບກັນໄວໆນີ້ ເຈເນີເຣຊັນໃໝ່ຟອດເຣນເຈີ ແລະ ຟອດເອເວີເຣດທ໌ ສະປອດ

ນະຄອນຫຼວງວຽງຈັນ, ລາວ. ໃນວັນທີ່ 30 ກັນຍາ 2022 ທີ່ຈະມາຮອດນີ້, ລາວຟອດຊີຕີຂໍຮຽນເຊີນທຸກທ່ານເຂົ້າຮ່ວມງານເປີດຕົວລົດໃໝ່ຂອງພວກເຮົາ ຫຼັງຈາກສິ້ນສຸດການລໍຄອຍຂອງການເປີດຂອງຟອດ ເຣນເຈີ ແລະ ເອເວີເຣດທ໌ ເຈນເນີເຣຊັນ ທີ່ປະເທດອ໋ອສເຕເລຍ ໃນຊ່ວງທີ່ຜ່ນາມາ ແລະ ໃນທີ່ສຸດການລໍຄອຍຂອງການເປີດຕົວໃໝ່ລົດຟອດ ເຣນເຈີ ແລະ ເອເວີເຣດທ໌ ເຈນເນີເຣຊັນໃໝ່ ກໍ່ເດີນທາງມາຮອດປະເທດລາວຂອງເຮົາແລ້ວ ກຽມພົບກັບການເປີດຕົວລົດຟອດ ເຣນເຈີ ແລະ ເອເວີເຣດທ໌ ເຈນເນີເຣຊັນໃໝ່ ທີ່ໃຫ່ຍທີ່ສຸດໃນປະເທດລາວ. ໃນການມາຄັ້ງຍິ່ງໃຫ່ຍຂອງລົດຟອດໃນຄັ້ງນີ້ລວມມີລຸ່ນ Next-Gen Ranger Wildtrak, Next-Gen Ranger XLT, Next-Gen Ranger XL ແລະ Next-Gen Everest Sport. ແລະ ພ້ອມກັນນັ້ນຍັງສາມາດມາສຳຜັດ ແລະ ທົດລອງຂັບ Next-Gen Everest ແລະ Ranger ໃນວັນທີ່ 1-2 ຕຸລານີ້. ໝາຍເຫດ: ລົງທະບຽນເຂົ້າຮ່ວມງານຟຮີ …

Owner Clinic Event at Lao Ford City

ໃນວັນທີ່ 19 ສິງຫາທີ່ຜ່ານມາ ລາວຟອດຊີຕີນະຄອນຫຼວງວຽງຈັນ ໄດ້ຈັດງານພົບປະສັງສັນລະຫວ່າງລູກຄ້າທີ່ນຳໃຊ້ລົດຟອດ ເພື່ອໃຫ້ລູກຄ້າຟອດທຸກທ່ານໄດ້ແລກປ່ຽນປະສົບໃນການນຳໃຊ້ລົດຟອດໃນ ທັງນີ້ທັງນັ້ນ, ຍັງເປັນການເຜີຍແຜ່ໃຫ້ມູນທາງເທັກນິກກ່ຽວກັບການນຳໃຊ້ຍານພາຫະນະໃຫ້ຖືກຕ້ອງຕາມວິທີແລະຖືກກົດຈາລະຈອນ ໂດຍເປັນການໃຫ້ຄຳບັນຍານຈາກທ່ານ ສັນຍາ ບຸນເພງອະນຸຮັກ ຫົວໜ້າຝ່າຍບໍລິການຫຼັງການຂາຍ ພາຍໃນງານຄັ້ງນີ້ພວກເຮົາມີຜູ້ເຂົ້າຮ່ວມຫຼາຍກວ່າ 350 ທ່ານ. ແລະພວກເຮົາຍັງໄດ້ແຈກຂອງລາງວັນໃຫ້ແກ່ລູກຄ້າທີ່ມາຮ່ວມງານນຳພວກເຮົາ ບໍ່ວ່າຈະເປັນເຄື່ອງໃຊ້ໄຟຟ້າ, ຖົງເກັບຄວາມເຢັນ, ກະບອກນ້ຳ, ຄັນຮົ່ມ, ໂທລະສັບມືຖື, ກະເປົາ ແລະ ອື່ນໆ…ລາວຟອດຊີຕີຕ້ອງຂໍຂອບໃຈລູກຄ້າທຸກທ່ານທີ່ເສຍສະຫຼະເວລາຂອງທ່ານມາຮ່ວມງານໃນຄັ້ງນີ້ ແລ້ວພົບກັນໃໝ່ໃນໂອກາດໜ້າ.

Lao Ford City Supported Trash Bin for Infasole   

ໃນວັນທີ່ 9 ສິງຫາ ທີ່ຜ່ານມາ ລາວຟອດຊີຕີໄດ້ຈັດພິທີມອບຮັບຖັງຂີ້ເຫຍື່ອໃຫ້ແກ່ບໍລິສັດອິນຟຣາໂຊ, ລາວຟອດຊີຕີເປັນບໍລິສັດໜຶ່ງດຽວທີ່ເປັນຕົວແທນຈຳໜ່າຍລົດຟອດໃນລາວ ເຊິ່ງເວລານີ້ພວກເຮົາກໍ່ເຫັນເຖິງຄວາມສຳຄັນຂອງສັງຄົມເຊິ່ງໃນຊ່ວງທີ່ຜ່ານມາພວກເຮົາກໍ່ໄດ້ໃຫ້ການສະໜັບສະໜູນກັບຫຼາຍພາກສ່ວນ ແລະ ໃນມື້ນີ້ບໍລິສັດອິນຟຣາໂຊຣ ກໍ່ເປັນອີກໜຶ່ງບໍລິສັດທີ່ພວກເຮົາໄດ້ໃຫ້ການສະໜັບສະໜູນແກ່ບໍລິສັດອິນຟຣາໂຊຣ,  ເຊິ່ງເປັນບໍລິສັດໜຶ້ງທີ່ເປັນຂອງຄົນລາວ 100%, ທີ່ມີເປົ້າໝາຍເຂົ້າໄປຊ່ວຍເຫຼືອພາກລັດໃນວຽກງານການບໍລິຫານຈັດການຂີ້ເຫຍື້ອ ເຊັ່ນ: ການເກັບຂົນຂີ້ເຫຍື້ອ, ການພັດທະນາລະບົບການຊຳລະຂີ້ເຫຍື້ອແບບທັນສະໄໝໃຫ້ກັບພາກລັດ ເພື່ອເພີ່ມຄວາມສະດວກໃຫ້ກັບພໍ່ແມ່ປະຊາຊົນລາວໃນການຊຳລະຄ່າບໍລິການເກັບຂີ້ເຫຍື່ອຂອງລັດ. ເຊິ່ງປະຈຸບັນໄດ້ມີການນຳໃຊ້ຢ່າງເປັນທາງການໃນນະຄອນປາກເຊ ເຊິ່ງເປັນໂຕແບບຢ່າງທີ່ດີທີ່ສຸດໃນການນຳໃຊ້ລະບົບການຊຳລະຄ່າບໍລິການເກັບຂີ້ເຫຍື່ອແບບທັນສະໄໝ, ນອກຈາກນັ້ນຍັງມີການຜັນຂະຫຍາຍໄປທີ່ນະຄອນຫຼວງພະບາງ ແລະ ເມືອງປາກຊັນ ແຂວງບໍລິຄຳໄຊ ຕື່ມອີກ. ນອກຈາກນັ້ນແລ້ວ ບໍລິສັດ ອິນຟຣາໂຊຣ ຍັງມຸ້ງເໜັ້ນໄປທີ່ການໃຫ້ຄວາມຮູ້ໃນການບໍລິການຈັດການຂີ້ເຫຍື່ອພາຍໃນຊຸມຊົນຕາມສະຖານທີ່ຕ່າງໆໃນຂອບເຂດທົ່ວປະເທດ ແລະ ມີແຜນທີ່ສ້າງເຄື່ອງມືໃນການແນະນຳວິທີການຂັດແຍກຂີ້ເຫຍື່ອຢ່າງຖືກຕ້ອງ ເພື່ອແຈກຢາຍໃຫ້ກັບປະຊາຊົນລາວເພື່ອສ້າງຈິດສຳນຶກໃນການຮັກສາສີ່ງແວດລ້ອມແບບຍືນຍົງ.

Lao Ford City Supported Face of Laos Event

ໃນທີ່ສຸດກໍ່ໄດ້ແລ້ວ ນາງແບບ, ນາຍແບບຂອງເວທີ FACE of Laos ທີ່ໄດ້ຜ່ານການຕັດສິນເປັນທີ່ຮຽບຮ້ອຍແລ້ວໃນວັນທີ່ 7 ສິງຫາ ທີ່ຫາກໍ່ຜ່ານມານີ້. FACE of Laos ເປັນອີກໜຶ່ງເວທີການປະກວດທີ່ລາວຟອດຊີຕີຂອງພວກເຮົາໄດ້ເປັນສ່ວນໜຶ່ງຂອງການຈັດງານປະກວດໃນຄັ້ງນີ້. ເຊິ່ງລາວຟອດຊີຕີຂອງພວກເຮົາໄດ້ເອົາໃຈໃສ່ທຸກກຸ່ມຄົນບໍ່ວ່າຈະເປັນນ້ອງນັກຮຽນ, ນັກສຶກສາ, ອົງການ, ໄວກາງຄົນ ຫຼື ກຸ່ມຄົນລຸ່ນໃໝ່ ພວກເຮົາກໍ່ຍິນດີໃຫ້ການສະໜັບສະໜູນ. FACE of Laos ຊຶ່ງເປັນເວທີປະກວດເພື່ອຂັດເລືອກເອົາຜູ້ທີ່ເໝາະສົມທີ່ສຸດເພື່ອໄປເປັນຕົວແທນຂອງປະເທດລາວເຂົ້າປະກວດເວທີລະດັບສາກົນໃນການປະກວດ Face of Asia ທີ່ປະເທດ ສ.ເກົາຫຼີ ແລະໃນສຸດທ້າຍ ທ້າຍທີ່ສຸດພວກເຮົາກໍ່ໄດ້ຜູ້ຊະນະການປະກວດຈຳນວນທັງໝົດ 3 ທ່ານ ທີ່ຈະໄດ້ເປັນຕົວແທນເດີນທາງໄປປະກວດທີ່ ສ.ເກົາຫຼີ. ລາວຟອດຊີຕີໃນນາມຂອງຜູ້ສະໜັບສູໜູນຫຼັກຂອງເວທີປະກວດນີ້ ກໍ່ໄດ້ໃຫ້ນ້ອງໆຜູ້ເຂົ້າຮ່ວມການປະກວດນີ້ໄດ້ຈັດແຄມເປັນກ່ຽວກັບລົດຟອດ ຈຳນວວນ 4 ລຸ່ນດ້ວຍກັນເຊັ່ນ: Ford Ranger Raptor-X, Ranger Wildtrak-X, Everest ແລະ Ecosport ເຊິ່ງແຄມເປັນດັ່ງກ່າວພວກເຮົາກໍ່ໄດ້ໃຫ້ນ້ອງໆນຳສະເໜີລົດຟອດໃຫ້ຕົງກັບບຸກຂະລີກຂອງແຕ່ລະກຸ່ມຄົນ. https://www.youtube.com/watch?v=2M3Pi7xcbeEhttps://www.youtube.com/watch?v=rxTkd5FMrjshttps://www.youtube.com/watch?v=vdt5AMlcMXkhttps://www.youtube.com/watch?v=88bNiTFzDpA

BBGL Visited Lao Disabled Women Development Centre

ໃນທ້າຍເດືອນ ກໍລະກົດ ທີ່ຜ່ານມາ ທ່ານ ເວນ ແມັກອິນທອສ ຜູ້ຈັດການທົ່ວໄປຂອງບໍລິສັດ ລາວຟອດຊີຕີ ໄດ້ເຂົ້າຮ່ວມກຸ່ມສະມາຄົມນັກທຸລະກິດຂອງອັງກິດປະຈຳລາວ ທີ່ໄດ້ໄປຢ້ຽມຢາມສູນພັດທະນາແມ່ຍິງລາວພິການ ເພື່ອສຶກສາເບິ່ງຜົນງານທີ່ສ້າງແຮງບັນດານໃຈຂອງອົງກອນທີ່ບໍ່ສະແຫວງຫາຜົນກຳໄລນີ້ ອົງກອນນີ້ໄດ້ຝຶກອົບຮົມໃຫ້ຄົນພິການໃນຫຼາຍຂະແໜງການເພື່ອສ້າງຄວາມໝັ້ນໃຈ ແລະ ອິດສະລະພາບ ເພື່ອສະແດງໃຫ້ເຫັນວ່າແມ່ຍິງພິການກໍ່ມີຄຸນຄ່າແລະມີຄວາມສາມາດປະກອບສ່ວນເຂົ້າໃນຄອບຄົວ ແລະ ສັງຄົມ. ຈາກການຢ້ຽມຢາມຄັ້ງນີ້, ພວກເຮົາຍັງໄດ້ມີໂອກາດທົດລອງປັ້ນເຄື່ອງປັ້ນດິນເຜົາ, ຖັກແສ່ວ ແລະ ວິທີການນຳເອົາຂອງເກົ່າມານຳໃຊ້ຄືນໃໝ່ໃຫ້ເກີດປະໂຫຍດ ພາຍໃຕ້ການໃຫ້ຄຳປຶກສາຂອງຄູຝຶກຈາກສູນພັດທະນາແມ່ຍິງລາວພິການ.

ງານລາວອ໊ອບໂຣດເພື່ອການກຸສົນ

ສິ້ນສຸດລົງແລ້ວກັບງານແຂ່ງຂັນອ໋ອບໂຣດ ເພື່ອນ້ອງນັກຮຽນຄັ້ງທີ່ 5 ທີ່ສະໜາມກິລາ ຫຼັກ16 ໃນລະຫວ່າງວັນທີ່ 9-10 ກໍລະກົດທີ່ຜ່ານມາ ບໍລິສັດລາວຟອດຊີຕີເປັນໜື່ງໃນຜູ້ນຳເຂົ້າຜະລິດຕະພັນລົດຟອດໃນປະເທດລາວໄດ້ເຫັນວ່າການແຂ່ງຂັນລົດອ໋ອບໂຣດໃນຄັ້ງນີ້ແມ່ນການສະແດງໃຫ້ເຫັນເຖິງສັກກະຍະພາບແລະປະສິທິພາບຂອງຜະລິດຕະພັນລົດໃນແຕ່ລະຄ້າຍ ແລະ ລົດຟອດເຮົາກໍ່ໄດ້ຮ່ວມລົງແຂ່ງໃນຄັ້ງນີ້ດ້ວຍ. ບໍລິສັດລາວຟອດຊີຕີຂອງພວກເຮົາກໍ່ໄດ້ເປັນສ່ວນໜຶ່ງໃນການສະໜັບສະໜູນໃນການແຂ່ງຂັນຄັ້ງນີ້ໃນຈຳນວນເງິນ 20.000.000ກີບ ເພື່ອເປັນການລະດົມທືນໄປຊ່ວຍເຫຼືອນ້ອງນັກຮຽນທີ່ຂາດເຂີນອຸປະກອນການຮຽນ ທີ່ຢູ່ຫ່າງໄກສອກຫຼີກ ແລະ ພ້ອມກັນນັ້ນໃນງານພວກເຮົາຍັງມີບູສໃຫ້ຢ້ຽມຊົມລົດຟອດ ແລະ ທີ່ພິເສດໄປກວ່ານັ້ນຕ້ອງຂໍຂອບໃຈມາຍັງ ທ່ານ ພົມມະທັດ ແກ້ວມະນີວົງ ທີມງານລົດແຂ່ງທີ່ນຳໃຊ້ລົດຟອດ ເຣນເຈີ ມາໂຊທີ່ບູສຂອງລາວຟອດຊີຕີຂອງພວກເຮົາ ຍັງມີລົດທົດລອງຂັບໃຫ້ລູກຄ້າທົດລອງຂັບອີກດ້ວຍ.

Austcham Laos Event at Lao Ford City Showroom

ວຽງຈັນ 14 ກໍລະກົດ 2022, Austcham ລາວ ແມ່ນອົງກອນຕົວແທນຜົນປະໂຫຍດທາງທຸລະກິດໃຫ້ແກ່ລັດຖະບານແລະອົງການທີ່ບໍ່ຂຶ້ນກັບລັດຖະບານໃນ ສປປ ລາວ ພ້ອມທັງໃຫ້ບໍລິການທີ່ຫຼາກຫຼາຍໃຫ້ແກ່ສະມາສິກ. ໃນວັນທີ່ 14 ກໍລະກົດທີ່ຜ່ານມາ ລາວຟອດຊີຕີ ຮ່ວມກັບ AUSTCHAM Lao ໄດ້ຈັດງານ The Sundowner ຂຶ້ນມາ ເພື່ອເຊີນຊວນໃຫ້ນັກທຸລະກິດຕ່າງໆເຂົ້າຮ່ວມພົບປະສາງສັນກ່ຽວກັບທຸລະກິດຂອງພວກຕົນ ວ່າຊ່ວງວິກິດແບບນີ້ຈະມີວິທີຮັບມືກັບສະຖານະການແນວໃດ. ຜູ້ເຂົ້າຮ່ວມທັງໝົດສ່ວນຫຼາຍແມ່ນມາຈາກອົງ NGO, ອົງການ, ບໍລິສັດ, ບໍລິສັດຂຸດຄົ້ນແຮ່ທາດ ລວມເຖິງບໍລິສັດເຂື່ອນພະລັງງານໄຟຟ້າ ການຈັດງານຄັ້ງນີ້ອາດຈະເປັນໂອກາດໃຫ້ແກ່ລາວຟອດຊີຕີຂອງພວກເຮົາທີ່ຈະໄດ້ນ້ຳສະເໜີຜະລິດຕະພັນຂອງພວກເຮົາທີ່ມີຢູ່ຕອນນີ້ລວມໄປເຖິງຜະລິດຕະພັນໃໝ່ທີ່ກຳລັງຈະນຳເຂົ້າມາໄວໆນີ້ໃນທ່າມກາງຝຸ່ງຊົນຂອງຫົວໜ້າແລະຜູ້ຈັດການຂອງບໍລິສັດຕ່າງໆ

ລາວຟອດຊີຕີສະໜັບສະໜູນງານເພດທາງເລືອກ

ວຽງຈັນ – 13 ກໍລະກົດ 2022, LGBTQແມ່ນຄຳຫຍໍ່ທີ່ໄດ້ມາຈາກຄຳວ່າເລສບ້ຽນ, ເກ, ມີຫຼາຍເພດ ຫຼື ແປງເພດແລ້ວຄຳພວກນີ້ແມ່ນຂໍ້ກຳນົດທີ່ໃຊ້ເພື່ອການອະທິບາຍທັດສະນະທາງເພດຂອງບຸກຄົນໃດຫຼືຕົວຕົນທາງເພດກຸ່ມຄົນເຫຼົ່ານີ້ແມ່ນຢູ່ທົ່ວທຸກມູມໂລກ ແລະ ແນ່ນອນປະເທດລາວເຮົາກໍ່ເປັນໜຶ່ງໃນນັ້ນ.ລາວຟອດຊີຕີແມ່ນຕົວແທນຜູ້ຈັດຈຳໜ່າຍລົດຟອດພຽງເຈົ້າດຽວໃນລາວທີ່ເຫັນເຖິງຄວາມສຳຄັນຂອງກຸ່ມຄົນທີມີຄວາມຫຼາກຫຼາຍທາງເພດຫລືເອີ່ນອີກຢ່າງໜຶ່ງວ່າLGBTQດັ່ງນັ້ນລາວຟອດຊີຕີຈຶື່ງມີຄວາມຍິນດີທີ່ຈະສະໜັບສະໜູນທຸກໆການເຄື່ອນໄຫວ.ແລະໃນເດືອນກໍລະກົດນີ້ ແມ່ນເດືອນແຫ່ງຄວາມຫຼາກຫຼາຍທາງເພດ ແລ້ວໃນວັນທີ່ 13ກໍລະກົດທີ່ຜ່ານມາ ທາງລາວຟອດຊີຕີຂອງພວກເຮົາກໍ່ໄດ້ເປັນຜູ້ສະໜັບສະໜູນຫຼັກໃນງານ “DragQueen Competition” ທີ່ຈັດຂຶ້ນສຳລັບກຸ່ມຄົນທີ່ມີຄວາມຫຼາກຫຼາຍທາງເພດ.ພາຍໃນງານພວກເຮົາຍັງໄດ້ມີຂອງລາງວັນຢ່າງຫຼວງຫຼາຍໃຫ້ແກ່ຜູ້ທີ່ເຂົ້າຮ່ວມການແຂ່ງຂັນນອກຈາກນີ້ພາຍໃນງານພວກເຮົາຍັງໄດ້ມີການໂຊລົດເພື່ອໃຫ້ຜູ້ເຂົ້າຮ່ວມແຕ່ລະຄົນໄດ້ມາຖ່າຍຮູບກ່ອນເຂົ້າໄປໃນງານ.ສຸດທ້າຍນີ້ ບໍລິສັດລາວຟອດຊີຕີຂອງພວກເຮົາແມ່ນມີຄວາມຫ່ວງໄຍທຸກໆການເຄື່ອນໄຫວຂອງສັງຄົມແລະພ້ອມທີ່ຈະໃຫ້ການສະໜັບສະໜູນທຸກຄົນແລ້ວພົບກັນໃໝ່ໃນປີໜ້າ.

LAO FORD CUP 2022

ໃນຕອນບ່າຍຂອງວັນທີ 27 ມິຖຸນາ 2022 ທີ່ສະຫະພັນບານເຕະແຫ່ງຊາດລາວ ໄດ້ຈັດພິທີຖະແຫຼງຂ່າວ ການແຂ່ງຂັນບານເຕະ ຊິງຂັນ ສຕລ-ລາວຟອດ 2022 (LFF – Lao Ford Cup 2022) ຂຶ້ນ. ເປັນກຽດເຂົ້າຮ່ວມໃນພິທີມີທ່ານ ວີເພັດ ສີຫາຈັກຣ ປະທານສະຫະພັນບານເຕະແຫ່ງຊາດລາວ, ທ່ານ ໄຊຊະນະ ທອງຄຳຈັນ ຫົວຫນ້າອະນຸກຳມະການຕະຫລາດ ແລະ ສື່ມວນຊົນ ສະຫະພັນບານເຕະແຫ່ງຊາດລາວ, ທ່ານ ນາງ ກັນຍາ ແກ້ວມະນີ ເລເຂາທິການສະຫະພັນບານເຕະແຫ່ງຊາດລາວ, ທ່ານ ເວນ ແມັກອິນທ໊ອສ (Wayne McIntosh, Managing Director – Automotive, Sales) ຜູ້ບໍລິຫານຈັດການທົ່ວໄປ ບໍລິສັດ Lao Ford City ກໍ່ໄດ້ເຂົ້າມາຮ່ວມ. ນອກຈາກນັ້ນຍັງມີບັນດາແຂກ, ສື່ມວນຊົນ ແລະ ຕາງໜ້າຈາກສະໂມສອນ ກິລາບານເຕະ ກໍໄດ້ເຂົ້າມາຮ່ວມ. …

ລົງທະບຽນເພື່ອຮັບສ່ວນຫຼຸດ